 |
| صفحه اصلي | پرسش مهر | نقشه جلفا | درباره ما | پیوندها | |
|
امام مهدي (عج) حضرتلري فراقيندا |
|
سولوبدور گلشن جانيم ، جهاندا هر زمان سن سيز شكسته ني كيمين اولموش ، ايشيم آه و فغان سن سيز گلستاندا صفا اولماز ، اگر سن اولماسان اي گول ! خزان سن لن بهار اولسا ، بهاريمدور خزان سن سيز كؤنول شيدا اولوب اي گول ، دوشوب دشت و بيابانه منه ويرانه لر هر گون ، اولوبدور آشيان سن سيز آياقدان سالدي عشقين گؤر ، نئجه من ناتوان اولدوم ديزيمده قالمادي طاقت ، اولوب صبريم تالان سن سيز اگر بولبول اخورسا بول ، كي واردي اوندا بير حكمت قالان تكجه حقيقت دور ، داها هر شي يالان سن سيز بو دونيا بزمي ظاهرده ، اگرده شهد ناب اولسا مثال زهردور واللاه ، بو چايلادا آخان سن سيز حضوره گلسن اي دلبر ، جهان ويرانه تك قالماز گل اي آرام جانيم گل ، اولوب دونيا يالان سن سيز فغانه گلسم هر ساعت ، شماتت ايلمه جانيم كي فرياده گلر هر دم ، تك و تنها قالان سن سيز نيستاندان دوشن آيري ، شكسته بير ني ام من بول بودور هر لحظه فرياديم ، آمان سن سيز آمان سن سيز « رضا » اولما دوشم منده ، كمند عشق اغيار كي اغيار عشقي عالمده ، اولار چوخلي دومان سن سيز
|
| o رضا قاسم زاده ( هادي شهر ) |